آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

                                                         الأحد 25/11/ 2012

 

أذوب وداعة عيونچ

قيس السهيلي

لا .. ما أگـدر بـليـاچ

لا .. ما أگـدر بـدونـچ

أحاول .. أبتعـد عـنچ

وأعـيش شـويه .. من دونـچ

غـفـلـه .. و گلبي ياخذني ..ويذبني بطارف جفونچ

و أصیرن .. للکحل مرود ... و أشوف الشوگ بعیونچ

یلوموني الخلگ .. والناس المْحِبين

شلون أركض وراها .. ركض المجانين

و أصالح بالعجل .. لأم شفة التين

وچ يا عين الأسدها ..وإنتِ تكَتلين

و يا گلب الأهيده .. او صدرچ ابراكين

يا گمرة سِماي ..او روحي من تحچین

یا شوگ الصِبا .. و گعدات البساتين

يا طعم الشهد .. يا حلوة الحلوين

أدگ روحي إلچ .. هيل وحنة معرسين

و أنام عله الصـدر .. وإنتِ التغـطين

أغـفا ابـ آذار .. و أتـفزز ابـ تـشرين

وتدرين الگلب .. يحبيبه خـو تدرين

بحبـچ كِـتَبْ .. كـومة دواويـن

أگلچ .. گلبي مَيـخونچ

یموت .. بلحظه من دونچ

او لو مرني بحلم .. لونچ

أذوب .. وداعـة عيونچ

أذوب .. وداعة عيونچ


11.09 .2011
لـندن
 

free web counter