|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الثلاثاء  1  / 8 / 2017                                 ميسون نعيم الرومي                                  كتابات أخرى للكاتبة على موقع الناس
		فـَـرْخـَـت الأحـزاب ميسون نعيم الرّومي (موقع الناس) فـُـرْغـَـت الســـاحـَه اتـريـد راعـيـهـَـه احـزاب الگـَـبـل مـِتـْعـَـلـّگـَه بـماضيهه وارجـال السـياسـَه اتـْمـَـليـنـَـت بالبـوگ كـلمـَـن يـدّعـي للأمـَّه حـامـيـهـَه تـَـفـريـخ الصناعي .. فـَـرّخـَـت لحزاب صارت كـولـِبـَه .. مانـدري تـاليـهـَه ! غيروْ بالإسم .. واتجـَـدّدت لحزاب  (1) صارت قشمره .. عاليهـَه واطيهـَه انتخابات التجي نترجـَّـه منچ خير؟ تـزويـر او دجـَـل .. امن اول التاليهه ... سـرّاق الوَطـَن (متحزميـن احـزام) (2) بالكرسي يظل ما يـرضه يـنطيهـَه (ثـَـنـَّـوْ بالركب) هالجـَـيـّـشـوْ لجيـوش (3) قـادَوْ بالسـفـيـنـَه انـكـِسـَـر ساريهـَه وانـّوبـَه اللطم .. كلمن يصيح (حسين) مـنـَّـك يا شـَـهـيـد انـريـد تگـضيهـَه فضائيات اشكثر.. تچذب چذب ..ماصار! مـن دَمّ الشـَـعـَـب مصروف واعليهـَه نـوّاب الدجـَـل والنايـبـات اهواي راتـبهم.. يـَـدوب (الخـزنـَه) تكفيهه (4) وارجال الحمايه الأبـَـد ماتـِـنـّعـَـد (خرجيه) اوقصور..چا سكته خليهه.. (5) نايـم يا شعـَـب ما ندري ليـش اشـلون! عـِـلـَّـتــنـَـه اكـْـبـرَت ياهـو اليـداويـهـَـه لا كهـرَبـَه..لا ماي .. لاخـدمات ياشعبي السكت بالحزن گاضيهه اصحه يا شعب بسك مهانه اوضيم إحـذر! مـدَّعــي للأمه سـابـيـهـَه چا (خلف اوبگـَه) (بمريكا) بلكي اتحن.. يـذبـَـح بالشعوب ... اشلون يحيهـَه ؟ بـَـسـَّـك ياقـَـلم بـَـسـَّـك و بـَـسـَّـك بس ما شـِـفـْـنـَه شـَـعـَب للرگـبـَه يحنيهه!! للرگـبـَه يحـنـيهـَه!!   (1) غيرو بالإسم : المودة الجديدة قبل الإنتخابات ، الغاء الأحزاب التي سرقت الجمل بما حمل ، وتأسيس احزاب جديدة بأسماء أخرى ، نفس القادة ونفس الأعضاء ، (نفس المرگه اونفس الديچ) (2) (متحزميـن احـزام) : مصممين (3) (ثـَـنـَّـوْ بالركب) : دلالة التهيأ (4) (الخـزنـَه) : خزينة الدولة (5) (خرجيه) : مصرف جيب   1 / آب / 2017 ســـــــــــــــــتوكهولم
	Since 17/01/05.  web counter