|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الاربعاء 7/11/ 2012                                     كامل الركابي                        كتابات أخرى للكاتب على موقع الناس
		قصائد كامل الركابي حب اعمى اعمى عاشگ صوت ما بين الدفوف يسعى بيده مرايه خرسه اعمى ما ﻳﮔدر يشوف وجهه لكن ضي عشگ روحه يشوف تارس عيونه نجومات وسماوات وحروف الاعمى بالحب وحده ﻳﮔدر يفتح اعيونه ويشوف ! زمن يوم بفراكك عذاب اسبوع اجّن امن الغياب شهر يبدي الاكتئاب سنه انساك وادوّر حب جديد العمر ما يبقى اسيرك يل بعيد! البيوت يا ابوريما الحبيب فاض عن حده السكوت بعد ما تسوه نرد لبيوتنه ما مش بيوت بيها نور وماي شمس وفي غدت بس عنكبوت باني شكل الغربه كلها على البيبان القديمه اشلون خي تكدر تفوت ؟ زنجرت احلامنه الخضره النديه وصار تابوت الوطن يتنطرك تابوت ! مشهد أليّن من الماي وانحف ياخصر ناعس نحيل ضوه هامس خيط شمعه ترفرف بمشهد ظليل خفت ينساب امن اصابع روحي عود الماي بالنسمه ويميل رحت ضميت الاصابع صف نخيل لكن ابلحظه تجي ابطبع الخصر وثبة مهر تعبر حدود المستحيل ! نخيل ترسمني نهر يطوي المسافات ارسمك ضفّه الي امنوّره ابنجمات النخيل الجنت ارسمه بدفتري من الزغر اخضر مات ! احساس انا مشتاق وأحس مثل النفاق ان اصيح بصوت عالي: انه مشتاق واحبك ياعراق ! هادي جارح انت من يا زاويه بروحي الليله وجيت الشموع مرة خليتني اتنطر ابشارع اظلم وخافت وحيد ورحت راجف للحبيبه وجيتني امبلل قميصك بالدموع ﮔتلي ترحل ﭽنت اطيح وﮔلبي ظل هوّ اليموع ! وحدة خطوه عنك ابتعد خطوه منك اقترب انت مغناطيس روحي بالتنافر والجذب ! المسافة بين عمرين وزمانين المسافه وكل تواريخ التجهم والتكرش والنحافه الحب حتى لويرسي مثل قارب وله وشموع تتلون ضفافه يبقى عمر اللحظه لحظه وعمر حبك وانت تدري ياشبيهي بالجنون يموت من دخلة زفافه !
	Since 17/01/05.  web counter