|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

الأثنين  3 / 11 / 2014                                            حامد كعيد الجبوري                                         كتابات أخرى للكاتب على موقع الناس

 
 

 

( كعبة الشوك )

حامد كعيد الجبوري


( هكذا وجدت الحسين وقرأته إباءٌ وشموخ )

ما أبچيك وعيوني چمر تيزاب
الدمع مثل الشمع ما ينسمع نوحه
بسكوت الشمع يبجي ويضوّي دروب
ويصدّع أجبال وتنخر سطوحه
ما أبچيك ميزان الدمع وهمان
نعم أنعاك ثائر شيّد صروحه
نعم أنعاك ثائر قدوة الأجيال
يسحك للقمم ما يرضه بسفوحه
ولا أرثي أبشعر صوت الضمير يصيح
مقارنة الدماء أبشعر مفضوحه
يا أول وآخر ما يصير حسين
مثلك يعتلي وتتسيد جروحه
براكين الدماء الكبرت قرآن
تذل صوت السيوف أبغمد مبحوحه
علمت الزلم تتراكض أعله الموت
تشد حبل المشانق لعب مرجوحه
عبد الله طفل يكتب دماه تاريخ
دين الله مال وسنّده بروحه

***
يا كعبة الشوك وقبلة الأحرار
الزمن جيده لويته وخرّست بوحه
سيفك ( لا ) هتف وتهاوت التيجان
دم طيّح عرش للواعي مشروحه
نفسك أخوتك ويلادك وأنصار
أطفال وحريم وجثث مطروحه
عرك وجه العرش بشفافك الترتيل
يغرَّك بالخجل يقراك أطروحه
أن يرضيك هذا أخذ ما يرضيك
المرضاتك تهون دمانه مسفوحه
أهتز عرش الجلالة ونزّل السجيل
أبابيل وكلت ما ريد مسموحه
عجبت الملك والأنبياء شهود
نفّذت العهد و أموقع اللوحه
راس الدين عالي براسك المرفوع
لوما عالي راسك چثته مذبوحه
***
 


 

 

 

 Since 17/01/05. 
free web counter
web counter